Не оуⷤ прїи҆де Цр҃ь славы, и҆ пртⷣчѧ
 цр҃ьствїа проповѣдахоу: пасы
 І҆илⷠ҇ѧ 
 , реⷱ҇.
 Рцы, прⷪ҇рчѣ, свѣтлостнѣ, еⷤ гл҃еши,
 и҆зъꙗ҆сни, е҆́же проповѣдꙋе҆ши. Мноѕи бо
 пасоша: Мо҆исїи пастырь, А҆а҆рѡⷩ҇ пастырь:
 оу҆пасе бо, рече, люⷣꙵ своѧ рꙋкою
 Мои҆сеѡ҆вою и҆ Аа҆ронею 
 . Пастырь и҆ Двд҃ъ:
 и҆збра бѡ,
 реⷱ҇, и҆ Дв҃да, раба Свое҆го,
 пасти І҆ил҃ѧ, достоꙗ҆́нїе Своѐ 
 . Что оу҆бо и҆менованїе пастырѧ
 крые҆ши достои҆ньство; Раздѣли ꙗ҆вьственѣ.
 Бл҃горасꙋденъ и҆ не смꙋщенъ въспрїими глⷭ҇а
 проповѣданїа. Гл҃ть: пасыи І҆ил҃ѧ,
 вонми, наставлѧа̀, ꙗ҆ко ѡ҆вчѧ,
 І҆о́сифа. 
 Зде рекъ
 пастырѧ , не е҆ще сказаеⷮ
 проповѣдꙋе҆маго достои҆ньство, за еⷤ къ
 дрꙋгимъ пастыремь е҆динои҆меньство. Что ꙋбѡ̀; не е҆́ще ли разꙋмѣлъ е҆си
 достои҆ньство; И҆зьꙗ҆влю тебѣ
 
 
 и҆́стиноу. Сѣдѧи на херꙋвиме, ꙗ҆висѧ,
 възвиⷣгни силꙋ Твою̀, и҆ прїиди, да ны
 спасеши 
 . Видиши
 ли, како все ѡ҆бнажи прⷪ҇рчествꙋе҆маго
 достои҆ньство; Видиши лї, како црⷭ҇комоу и҆
 премирномоу пртⷭ҇лꙋ Цр҃ѧ славы възвѣсти І҆с҃а;
 тѣмже и҆ Сп҃съ, поутвержаѧ е҆́же прⷪ҇рка
 и҆менованїе, вопїаше е҆ѵⷢ҇льскою блгⷣтїю:
 А҆́зъ е҆смь пастырь добрыи. Понеже бо рече,
 ꙗ҆ко словесни Бг҃а не поⷥнасте, поне ꙗ҆ко
 бесловесныа о҆вца пастырѧ познаи҆те.