Adiecit ad plenitudinem tam expeditae orationis, ut non 
 de remittendis tantum, sed etiam de auertendis in totum delictis 
 supplicaremus: NE NOS INDUCAS IN TEMPTATIONEM, id est, 
 ne nos patiaris induci, ab eo utique qui temptat. ceterum absit 
 ut dominus temptare uideatur, quasi aut ignoret fidem 
 cuiusque aut deicere sit ge Stiens. diaboli est infirmitas et 
 malitia. nam et Abraham non temptandae fidei gratia sacrificare 
 de filio iusserat, sed probandae, ut per eum faceret 
 exemplum praecepto suo, quo mox praecepturus erat, ne qui 
 pignora deo cariora haberet. ipse a diabolo temptatus praesidem 
 et artificem temptationis demonstrauit. hunc locum 
 posterioribus confirmat, orate, dicens, ne temptemini. adeo 
 temptati sunt dominum deserendo, quia somno potius indulserant 
 quam orationi. ergo respondet clausula, interpretans 
 quid sit, ne nos deducas in temptationem. hoc est enim: 
 SED DEUEHE NOS A MALO.