Fratrem domum tuam introgressum ne sine oratione 
 dimiseris (uidisti, inquit, fratrem, uidisti dominum tuum), 
 maxime aduenam, ne angelus forte sit. sed nec ipse a fratribus 
 exceptus priora fecerit refrigeria terrena caelestibus. 
 statim enim iudicabitur fides tua. aut quomodo secundum 
 praeceptum pax huic domui dices, nisi et eis qui in domo 
 sunt pacem mutuam reddas?