De habitu uero dumtaxat feminarum uarietas obseruationis 
 effecit post sanctissimum apostolum nos uel maxime 
 nullius loci homines impudenter retractare, nisi quod non impudenter, 
 si secundum apostolum retractemus. de modestia 
 quidem cultus et ornatus aperta praescriptio est etiam Petri, 
 cohibentis eodem ore, quia eodem et spiritu, quo Paulus, et 
 uestium gloriam et auri superbiam et crinium lenonem operositatem.