DE CASTANEA. 
						 Flumineam salicem fecundant ardua membra castaneae et multo pasta liquore uigent. 
					 
						 DE NVCE. 
						 Arbuteas frondes uastae nucis occupat umbra pomaque sub duplici cortice tuta refert. 
					 
 Cetera, quae sollers processu temporis usus exprimet exemplis instituere nouis. haec sat erit tenuem uersu memorasse poëtam, quem iuuat effossi terga mouere soli. carmina tu duros inter formata bidentes aspera sed miti rusticitate lege.