L. CAELI FIRMIANI LACTANTI LIBRORVM PERDITORVM FRAGMENTA. EX EPISTVLIS AD PROBVM. I. Hieronymus, Comment. in epist. ad Galat. l. II praefat. 
 (VII 425 Vall.): Quod in primo Commentariorum ad Galatas 
 libro cum de gentium proprietatibus disputarem, intactum 
 reliqueram, nunc in secundo reddendum uidetur, qui sint 
 Galatae uel quo et unde transierint ... Lactantii nostri 
 quae in tertio ad Probum uolumine de hac gente opinatus 
 sit uerba ponemus. Galli inquit antiquitus a candore 
 corporis Galatae nuncupabantur et Sibylla sic 
 eos appellat. quod significare uoluit poeta, cum ait: 
 \'tum lactea colla Auro innectuntur\', cum posset dicere 
 \'candida\'. hinc utique Galatia prouincia, in quam 
 Galli aliquando uenientes cum Graecis se miscuerunt. 
 unde primum ea regio Gallograecia, post Galatia nominata 
 est. nec mirum si hoc ille de Galatis dixerit et occidentales 
 populos tantis in medio terrarum spatiis praetermissis 
 in Orientis plaga consedisse memorarit, cum constet Orientis 
 contra et Graeciae examina ad Occidentis ultima peruenisse.

 de epistulis ad Probum cf. Ueber die Entstehungsverhaltnisse der 
 Prosaschriften des Lact... p. 125 s . 8 Sibylla] cf. Orac. Sibyll. III 
 485. 509. 599. V 340 9 poeta] Verg. Aen. VIII 660 s. loco 
 Lactantii (uel potius HieronymiJ usus est Isidorus, Orig. IX 2, 68: 
 Galatae ... Graecis admixti primum Gallograeci, nunc ex antiquo Gallorum 
 nomine Galatae nuncupantur (idem XIV 3, 40); § 104: Galli a candore 
 corporis nuncupati sunt: faka enim graece lac dicitur. unde et Yergilias 
 (Sibylla codd. quidam) sic eos appellat, cum ait de iis: \'tum lactea colla 
 Auro innectuntur\'. II. Rufinus, Comment. in metra Terent., GL. VI 564, 7-565, 
 2 K.: Firmianus ad Probum de metris comoediarum sic 
 dicit: nam quod de metris comoediarum requisisti, et 
 ego scio plurimos existimare Terentianas uel maxime 
 fabulas metrum non habere comoediae Graecae, id 
 est Menandri Philemonos Diphili et ceterorum, quae 
 trimetris uersibus constat. nostri enim ueteris comoediae 
 scriptores in modulandis fabulis sequi maluerunt, 
 Eupolin Cratinum Aristophanem. prologos 
 igitur et primarum scaenarum actiones trimetris 
 conprehenderunt, deinde longissimos id est tetrametros 
 subdiderunt, qui appellantur quadrati. in consequentibus 
 deinceps uariauerunt: modo enim trimetros, 
 modo addito quadrante uel semisse posuerunt, id est uel semipede adiecto uel integro pede iambo 
 uel sesquipede. haec per medios actus uarie, rursus 
 in exitu fabularum quadratos, quales diximus in secunda 
 scaena. sed idem quadrati cum sedecim syllabis 
 constare debeant, tamen plerumque fiunt uiginti 
 aut amplius syllabarum. hinc putantur metro carere 
 nec lege ulla contineri. — Mensuram esse in fabulis 
 Terentii et Plauti et ceterorum comicorum et tragicorum 
 dicunt Cicero Scaurus Firmianus eqs .

 de hoc Lactantii loco, quo etiam Marius Vtctorinus, Art. gramm. II 3 
 (cf. Gr. Lat. VI 78, 19. 556, 22 K; Keilius p. XXVI) usus est cf. 
 Osannus, Beitr. e. griech. u. röm. Litteraturgesch. II (1839) p . 366 s.; Hensius, Act. societ. phil. Lips. IV (1875) p. 139 adn. **; Leo, Hermes 
 XXIV (1889) p. 293 adn. 1; dedi ex recensione Keilii, cuius cf. 
 appar. erit, 
 EX EPISTVLIS AD DEMETRIANVM. \'III. Hieronymus, Comntent. in epist. ad Galat. 1. II c. IV 
 (VII 450 D): ... multi per inperitiam Scripturarum, quod 
 
 
 et Firmianus in octauo ad Demetrianum epistularum 
 libro facit, adserunt spiritum sanctum saepe patrem, 
 saepe filium nominari.

 1 octauo] altero coni. Vallarsius conl. Hieron. de uir. inl. LXXX, 
 cf. tamen Ueb. d. Entstehungsverh. p. 123 
 IV. Hieronymus, Epist. LXXXIV 7 (I 524 E): Et apostolus 
 praecipit: omnia legentes, quae bona sunt retinentes. Lactantius 
 in libris suis et maxime in epistulis ad Demetrianum 
 spiritus sancti omnino (omnino om. JrIartianaeus) 
 negat substantiam et errore Iudaico dicit eum uel ad 
 patrem referri uel filium et sanctificationem utriusque 
 personae sub eius nomine demonstrari. quis mihi 
 interdicere potest ne legam Institutionum eius libros, 
 quibus contra gentes scripsit fortissime, quia superior sententia 
 detestanda est? 
 INCERTAE SEDIS FRAGMENTA. V. Fragmentum codicis excerptorum ecclesiasticorum Ambrosiani 
 (olim Bobiensis) F. 60 Sup. (sacc. VIII-IX), fol. 264, 
 inmarg.lactantius de motibus animi inscriptum: <Spes> timor, 
 amor odium, laetitia tristitia, libido cupiditas, ira miseratio. 
 zelus admiratio, hi motus <animi> uel adfectus a deo ab 
 initio hominis existunt conditi et naturae humanae utiliter et 
 salubriter sunt insiti, ut per eos ordinate et rationabiliter

 fragmentum (aut epistularum aut librorum ad Asclepiadem) primus 
 edidit Muratorius, Antiquitat. Ital. III (1740) p. 849, accuratius 
 Reifferscheidius, Biblioth. Patr. Lat. Ital. 11 p . 36; cf. editoris disputationes 
 Ueber das in dem patristischen Excerptencodex F. 60. Sup. 
 der Ambrosiana enthaltene Fragment des Lactantius De motibus animi, 
 Heidelb. 1891, et Ueb. d. Entstehunusverh. p. 126 8 . 19 Spes addidi 
 20 hodia cod . letitia cod . cupiditas scripsi, concupiscentia cod . 
 misaeratio cod . 21 zelus admiratio in marg. cod . hii cod . animi add. 
 Muratorius affectus cod . ad cod . deo scripsi, domino cod . 
 23 insiti scripsi, inserti cod . 
 
 
 regendos homo uirtutes bonas uiriliter agendo exercere posset: 
 per quas a deo perpetuam accipere uitam iuste meruisset. 
 hi namque animi motus intra fines proprios coartati, hoc est 
 in bona parte positi, in praesenti uirtutes bonas et in futuro 
 aeterna praemia parant, extra metas uero suas afluentes, hoc 
 est in malam partem declinantes, uitia et iniquitates existunt 
 et aeternas poenas pariunt.

 2 deo scnpsi, domino cod . accipe cod., corr. Muratorius 3 hii cod . 
 coortati cod., corr. Muratorius 4 possiti cod. malim futurum 
 5 etna cod . afluentes scripsi, affluentes cod .