illorum quoque, pius licet, attamen 
 coarguendus error, qui in orationibus et oblationibus suis audent 
 dicere: \'qui sedes super cherubim et seraphim\'. nam et 
 super cherubim scriptum est sedere deum. ut ibi: qui sedes 
 super cherubim, ostendere, super seraphim uero sedere 
 deum nulla scriptura commemorat, et ne ipsa quidem seraphim 
 circa deum stantia excepto praesenti loco in scripturis omnibus 
 inuenimus.