Ueniet , ueniet illa dies, qua corruptiuum hoc et mortale 
 incorruptionem induat et inmortalitatem. beatus seruus, quem 
 dominus inuenerit uigilantem. tunc ad uocem tubae pauebit terra 
 cum populis, tu gaudebis. indicaturo domino lugubre mundus 
 inmugiet; tribus ad tribum ferient pectora; potentissimi quondam 
 reges nudo latere palpitabunt; exhibebitur cum prole sua 
 uere tunc ignitus Iuppiter; adducetur et cum suis stultus 
 Plato discipulis; Aristoteli argumenta non proderunt.