Post istos Theodotus quidam, Byzantius genere, denegator 
 Christi dei nostri in persecutione extitit saluatoris, qui coepit 
 dicere, docens ita: Communis, inquit, homo erat ut omnes homines 
 Christus. Hoc autem dicebat, ut denegationis obprobrium 
 ab hominibus non amplius pateretur, cogitans quod si qui ei 
 diceret: Quare negasti Christum deum ac dominum? diceret 
 quod: Hominem negaui, non deum.