Ab ea fronte montis Sion, quae praerupta rupe orientalem 
 plagam spectat, intra muros atque ad radices collis fons Siloa 
 prorumpit, qui alternante aquarum accessu in meridiem fiuit. 
 Iuxta murum Hierusalem uel templi ab oriente Geennon occurrit, 
 quae uallis Iosaphat uocatur, a septentrione in austrum 
 porrecta, per quam Cedron torrens, si quando pluuiarum aquas 
 recipit, decurrit.