Hiericho uero ab Hierusolima in orientem aestiuum decem 
 et octo milibus excurrit. Iordanis quoque ab eadem caeli parte 
 ludaeae terrae praetenditur, quarto et uicesimo lapide ab 
 Aelia separatus, qui primum mare Tiberiadis intersecans atque 
 ex hoc mergens largis deinde ac placide fluentibus aquis in 
 mare mortuum conditur, quod mare Hierusolimam uiginti 
 circiter milibus respicit.