Cum haec talia Maximianus audisset obstinatosque in 
 fide Christi cerneret animos uirorum desperans gloriosam 
 eorum constantiam posse reuocari una sententia interfici 
 omnes decreuit et rem confici circumfusis militum agminibus 
 iubet. qui cum missi ad beatissimam legionem uenissent. 
 stringunt in sanctos impium ferrum mori non recusantes uitae 
 amore. caedebantur itaque passim gladiis non reclamantes 
 saltim aut repugnantes, sed depositis armis ceruices persecutoribus 
 praebentes et iugulum percussoribus uel intectum 
 corpus offerentes. non uel ipsa suorum multitudine, non

 1 credere D 2 prerumpimus D requirere D 5 post credimus 
 leguntur supra lin. in P (m. 2.) et spiritum sanctum laborem D 
 7 aspersos trucidare D conmilitonum P (m. m. 2.) 8 dolemus D 
 9 laudamus D 13 disperatio D 14 mallumus P (primum 1 del. m. 2.) 
 maluimus (sic) D 15 peroptamus D in om. D 17 ignem D 
 christiani fatemur D 20 animas D 21 reuocare D 23 uenisent D 
 . 
 4 sanctis D 26 saltim P (corr. m. 2.) aut] non D 26 percussoribus 
 D 28 uel] in D 
 
 
 armorum munitione elati sunt, ut ferro conarentur adserere 
 iustitiae causam, sed hoc solum reminiscentes se illum confiteri 
 qui nec reclamando ad occissionem ductus est et tamquam 
 agnus non aperuit os suum, ipsi quoque tamquam 
 grex dominicus ouium laniari se tamquam ab inruentibus 
 lupis passi sunt. operta est terra illic procumbentibus in 
 mortem corporibus piorum, fluxerunt pretiosi sanguinis riui. 
 quae umquam rabies absque bello tantam humanorum corporum 
 stragem dedit? quae feritas ex sententia sua tot simul 
 perire uel reos iussit? ne iusti punirentur, multitudo non 
 obtinuit cum inultum esse soleat, quod multitudo delinquit. 
 hac igitur crudelitate inmanissimi tyranni confectus est ille 
 sanctorum populus qui contempsit rem praesentium ob spem 
 futurorum. sic interfecta est illa plane angelica legio quae, 
 ut credimus, cum illis angelorum legionibus iam conlaudat 
 semper in caelis dominum deum Sabaoth.