Sednobis, fratres dilectissimi, praeter horas antiquitus obseruatas 
 orandi nunc et spatia et sacramenta creuerunt. nam et 
 mane orandum est, ut resurrectio Domini matutina oratione 
 celebretur. quod olim Spiritus sanctus designabat in psalmis 
 dicens: rex meus et Deus meus, quoniam ad te orabo, 
 Domine, mane: et exaudies uocem meam, mane

 26 Ps. 5, 3 sq. 

 1 placentem W 2 quis v pauperis Wv deum foenerat v 3 odores 
 O, odore SW, odorem v 4 danihele W2G2, danihel WlG1 , daniel S 
 5 et tres S et om. S hora tertia W 6 sacramentum V 8 uenies S 
 9 ad] a S quartam praecedens G 11 determinata. Adoratores G 
 12 deo fort . statutis] statis maluit Krabinger et] sed W 13 seruabant 
 G 15 discendit SW 16 repromissionis v inplebit W 17 dIñr S 
 19 gentibus <SF, gentilibus WGv 20 uiuicare Wl 21 suam WGv perficit 
 Wl 22 obseruandas W 26 adorabo V 27 mane om.S et om. Wv 
 adstabo tibi et uidebo S, adsistam tibi et contemplabor WGv; cf. test. 
 II29 p. 98 


 
 adstabo tibi et uidebo te. et iterum per prophetam loquitur 
 Dominus: diluculo uigilabunt ad me dicentes: 
 eamus et reuertamur ad Dominum Deum nostrum. 
 recedente item sole ac die cessante necessario rursus orandum 
 est. nam quia Christus sol uerus est et dies uerus, sole ac die 
 saeculi recedente quando oramus et petimus ut super nos lux 
 denuo ueniat, Christi precamur aduentum lucis aeternae gratiam 
 praebiturum. Christum autem diem dictum declarat in psalmis 
 Spiritus sanctus. lapis, inquit, quem reprobauerunt aedificantes 
 hic factus est in caput anguli. a Domino 
 factus est iste et est mirabilis in oculis nostris. 
 hic est dies quem fecit Dominus: laetemur et epulemur 
 in eum. item quod sol appellatus sit Malachin propheta 
 testatur dicens: uobis autem qui timetis nomen 
 Domini orietur sol iustitiaeet in alis eius curatio 
 est. quodsi in scripturis sanctis sol uerus et dies uerus est 
 Christus, nulla hora excipitur christianis, quominus frequenter 
 ac semper Deus debeat adorari, ut qui in Christo hoc est in sole 
 et in die uero sumus instemus per totum diem precibus et oremus: 
 et quando mundi lege decurrens uicibus alternis nox reuoluta 
 succedit, nullum de nocturnis tenebris esse orantibus 
 damnum potest, quia filiis lucis et in noctibus dies est. quando 
 enim sine lumine est cui lumen in corde est? aut quando sol ei 
 et dies non est cui sol et dies Christus est ?