Fieri autem petimus uoluntatem Dei in caelo et in terra: quod 
 utrumque ad consummationem nostrae incolumitatis pertinet et 
 salutis. nam cum corpus e terra et spiritum possideamus e caelo, 
 ipsi terra et caelum sumus et in utroque id est et corpore et spiritu 
 ut Dei uoluntas fiat oramus. est enim inter carnem et spiritum 
 conluctatio et discordantibus aduersum se inuicem cottidiana 
 congressio, ut non quae uolumus ipsa faciamus, dum spiritus 
 caelestia et diuina quaerit, caro terrena et saecularia concupiscit. 
 et ideo petimus inter duo ista ope et auxilio Dei concordiam 
 fieri, ut dum et in spiritu et in carne uoluntas Dei geritur, quae 
 per eum renata est anima seruetur. quod aperte adque manifeste 
 apostolus Paulus sua uoce declarat, caro, inquit, concupiscit 
 aduersus spiritum et spiritus aduersus carnem 
 haec enim inuicem aduersantur sibi, ut non quae 
 uultis ipsa faciatis. manifesta autem sunt facta carnis 
 quae sunt adulteria, fornicationes, inmunditiae, 
 spurcitiae, idololatriae, ueneficia, homicidia,

 19 Gal. 5,17 sq. 

 .1 praeponere omnino W ille quicquam W caritate at 2 fidenter 
 ads.] libenter insistere V 4 constantia S quam SG fidacia SW 
 5 patientia SW 6 esse uelle v 7 adimplere v 8 petimus] uolnmns 
 G 9 incolomitatis WG 11 utrtlq. W, ntraq. S sed a corr . 
 id eat et W 8. 1. m. 2 in (pro et) corpore August. contra duas epist. Pel. 
 I. e. et contra Iultan. Pelag. II, 3, 6 et spn W 8. 1. m. 2 12 in carne 
 et spu W 13 discordantes S (antes uidetur m. 2 correctum) aduersufl 
 Sv 14 congressione G ne add. m. 2 ut dum G, dei S (corr. m. 2) 
 spn S 16 petimus SG et August. utroque loco, petimus inpenseTFv 
 inter om. W 17 utexebS m, 2 et om. G in-in om. W 
 geritur] creditur S 18 resernetur V, reparetur cod. Vatic. August. c. d. 
 epist. Pel l. c . adq. manifeste om. G 19 sua W s. I. m. 2 22 ipsa 
 August. I. c., illa aUero l facta] opera Wv 23 fornicationis S 
 24 idolatriae W, idolatria G 


 
 inimicitiae, contentiones, aemulationes, animositates, 
 prouocationes, simultates, dissensiones, haereses, 
 inuidiae, ebrietates, comisationes et his similia: 
 qui talia agunt regnum Dei non possidebunt. 
 fructus autem spiritus est caritas, gaudium, pax, 
 magnanimitas, bonitas, fides, mansuetudo, continentia, 
 castitas. et idcirco cottidianis immo continuis orationibus 
 hoc precamur et in caelo et in terra uoluntatem circa nos Dei 
 fieri: quia haec est uoluntas Dei ut terrena caelestibus cedant, 
 spiritalia et diuina praeualeant.