Clarus a Mascula dixit: Manifesta est sententia Domini nostri Iesu Christi apostolos 
 suos mittentis et ipsis solis potestatem a patre sibi datam permittentis, 
 quibus nos successimus eadem potestate ecclesiam 
 Domini gubernantes et credentium fidem baptizantes. et ideo 
 haeretici qui nec potestatem foris nec ecclesiam Christi habent 
 neminem baptizare baptismo eius possunt.