Quae illa erit, fratres carissimi, operantium gloria, quam grandis et summa laetitia, cum populum suum Dominus coeperit recensere et meritis adque operibus nostris praemia promissa contribuens pro terrenis caelestia, pro temporalibus sempiterna, pro modicis magna praestare, obferre nos patri cui nos sua sanctificatione restituit, aeternitatem nobis inmortalitatemque largiri ad quam nos sanguinis sui uiuificatione reparauit, reduces ad paradisum denuo facere, regna caelorum fide et ueritate suae pollicitationis aperire. haec haereant firmiter sensibus nostris, haec intellegantur plena fide, haec corde toto diligantur, haec indesinentium operum magnanimitate redimantur. praeclara et diuina res, fratres carissimi, salutaris operatio. solacium grande credentium, securitatis nostrae salubre praesidium, munimentum spei, tutela fidei, medella peccati, res posita in potestate facientis, res et grandis et facilis, sine periculo persecutionis corona pacis, uerum Dei munus et maximum, infirmis necessarium, fortibus gloriosum, quo Christianus adiutus perfert gratiam spiritalem, promeretur Christum iudicem, Deum computat debitorem. ad hanc operum salutarium palmam libenter ac prompte certemus, omnes in agone iustitiae Deo et Christo spectante curramus et qui saeculo et mundo maiores esse iam coepimus cursum nostrum nulla saeculi et mundi cupiditate tardemus. si expeditos, si celeres, si in hoc operis agone currentes dies nos uel redditionis uel persecutionis inuenerit, nusquam Dominus meritis nostris ad praemium deerit, in pace uincentibus coronam candidam pro operibus dabit, in persecutione purpuream pro passione geminabit. 7 nos patri W 8. I. m. 2 9 que Ws. I. m. 2 sni om. Tf 11 ereant G 14 res est scripsit Routh fratres dilectissimi W operatio] oratio F 16 monumentum G1 res ex re G m. 2 17 facientes W 20 perferet G, perferri F, praefert coni. MoreJlius christi W 23 expectante G I 25 celerins F 26 reditionis V, redditiones G inneniat F numquam F 27 dñiii W 29 geminanit G, geminabit W 8. I. m. 2 CAECILI CTPRIAKT DE OPERE ET KLEMOSYXIS KXPLICIT F. DE OPERE ET ELKMOBHTI6 KIPLICTT W. EXPLICIT DE OPERE ET AELEMO- SIKE G (litterae KT A eratae).