Tum regina refert: “non me latet, indite rector, quod tua pro Latio victricia castra laborant nec quod servitium rursus Furiaeque rebelles edomitae paribus sub te cecidere triumphis. sed precor hoc donum cum libertate recenti adicias, si vera manet reverentia nostri. sunt mihi pubentes alto de semine fratres, pignora cara Probi, festa quos luce creatos ipsa meo fovi gremio. cunabula parvis