restant, ut degustata quidem mordeant, interius autem 
 recepta dulcescant. Sed quod tu te audiendi cupidum dicis, 
 quanto ardore flagrares, si, quonam te ducere aggrediamur, 
 agnosceres! — Quonam? inquam. — Ad veram, inquit, 
 felicitatem, quam tuus quoque somniat animus, sed occupato 
 ad imagines visu ipsam illam non potest intueri. — ? 
 
 Tum ego: Fac, obsecro, et quae illa vera sit, sine cunctatione 
 demonstra. — Faciam, inquit illa, tui causa libenter, 
 sed quae tibi causa notior est, eam prius designare verbis 
 atque informare conabor, ut ea perspecta, cum in contrariam 
 partem flexeris oculos, verae specimen beatitudinis 
 possis agnoscere.-
 Qui serere ingenuum volet agrum,