sollicitat suadetque ignota lacessere bella. 
 ille ubi complexu molli fovet atque repente accepit solitam flammam lectumque iugalem: 
 “ o virgo, nova mi facies, gratissima coniunx, 
 venisti tandem, mea sola et sera voluptas. 
 o dulcis coniunx, non haec sine numine divum 
 proveniunt: placitone etiam pugnabis amori?” 
 Talia dicentem iamdudum aversa tuetur 
 cunctaturque metu telumque instare tremiscit 
 spemque metumque inter funditque has ore loquelas: 
 “ Per te, per, qui te talem genuere, parentes, 
 o formose puer, noctem non amplius unam