AVGVSTINI RETRACTITIONUM LIB. II CAP. LXXVII (LI) (PAG. 187, 16 ED. KNOELL). GESTA CUM EMERITO DONATISTA, LIBER UNUS. Aliquanto post conlationem, quam cum hereticis Donatistis 
 habuimus, orta est nobis necessitas pergendi in Mauritaniam 
 Caesariensem. ibi apud ipsam Caesaream Emeritum, 
 Donatistarum episcopum, uidimus, unum scilicet eorum septem, 
 quos pro suae causae. defensione delegerant, et qui in 
 eadem causa maxime laborauerat. quae cum illo egerimus 
 praesentibus episcopis eiusdem prouinciae et plebe Caesariensis 
 ecclesiae, in qua ciuitate et ciuis et memoratorum hereticorum 
 episcopus fuit, ecclesiastica gesta testantur, quae in meis 
 habentur opusculis. ubi non inueniens, quid responderet, totum 
 sermonem meum, quem de solis Maximianistis in auribus eius 
 et omnium, qui aderant, explicaui, tamquam mutus audiuit, 
 
 Hic liber uel haec gesta sic incipiunt: Gloriosissimo 
 Honorio Augusto XII et Constantio iterum VV. CC. consulibus 
 XI Kalendas Octobris Caesarea in ecclesia maiore .

 Lectiones cod. Gratianopolitani 152 sacc. XIII: 

 3 Incipit retractatio beati augustini epi in libro de gestis cum emerito 
 donatistarum epo 6 cesariam 16 Gloriosissimo] Gloriosissimis imperatoribus 
 17 Augusto om . Constantio-CC.] theodosio VIII. 18 XIJ 
 XU. Kt cesaree