Exceptis igitur iocis, quae numquam sunt putata 
 mendacia — habent enim euidentissimam ex pronuntiatione 
 atque ipso iocantis affectu significationem animi nequaquam 
 fallentis, etsi non uera enuntiantis: quo genere utrum sit 
 utendum perfectis animis, alia quaestio est, quam modo enodandam 
 non suscepimus — exceptis ergo iocis prius agendum 
 est, ne mentiri existimetur qui non mentitur.