Bonum, inquam, sunt nuptiae et contra omnes calumnias 
 possunt sana ratione defendi. nuptiis tamen sanctorum 
 patrum non quas nuptias, sed quam continentiam conparem 
 quaero, immo non nuptias nuptiis — nam par in omnibus 
 munus est mortali hominum naturae datum — sed homines, 
 qui nuptiis utuntur, illis hominibus qui longe aliter nuptiis 
 usi sunt quos conferam quoniam non inuenio, quinam continentes 
 illis coniugatis conferendi sint requirendum est. nisi 
 forte Abraham continere se non posset a nuptiis propter 
 regnum caelorum, qui unicum prolis pignus, propter quod 
 nuptiae carae sunt, potuit intrepidus immolare propter regnum 
 caelorum.