Petilianus dixit: Unguentum uero concordiae 
 sic in fratribus laudat: ecce quam bonum et quam iucundum 
 habitare fratres in unum. tamquam unguentum 
 in capite, quod descendit in barbam, barbam 
 Aaron, quod descendit in oram uestimenti eius; sicut 
 ros Hermon, quod descendit super montes Sion. 
 quoniam ibi mandauit dominus benedictionem et uitam 
 usque in saeculum. sic, inquit, ungitur unitas, sicut 
 uncti sunt sacerdotes .