AUG. dixit: Memento, quod apostolus dixerit conuersatione 
 nos alienatos a deo esse. 
 FORT. dixit: Trado ego duas substantias fuisse: in lucis 
 substantia haberi deum, ut superius diximus, incorruptibilem: 
 fuisse uero contrariam naturam tenebrarum. eam uirtute dei 
 uinci hodieque confiteor, et ad meum regressum saluatorem 
 esse Christum emissum, ut ante idem apostolus ait.