secundum tempus est Abraham et Isaac et Iacob reliquorumque 
 numerus patriarcharum, in quibus casta et pura 
 quaedam temperantia religionis effulsit. inmaculatus enim 
 Isaac per repromissionem Abrahae datus filius, non tam corporalis 
 partus quam diuinae munus praeferens indulgentiae, 
 in quo uere inmaculati figura praecessit, ut apostolus docet 
 dicens quia Abrahae dictae sunt repromissiones et 
 semini eius. non dicit: et seminibus tamquam in E 
 multis, sed sicut in uno: et semini tuo, qui est 
 Christus.