his auditis turbatus est auari spiritus regis. et dormiuit 
 in lecto suo et uelauit faciem suam et non 
 manducauit panem suum. lugent diuites, si non potuerint 
 aliena diripere; si suis pauper non cesserit facultatibus, 
 uim maeroris tegere non possunt. dormire desiderant, uelant 
 faciem suam, ne quicquam in orbe terrarum alienum uideant, B 
 ne quicquam in hoc mundo non esse suum nouerint, ne 
 audiant uicinum iuxta se aliquid possidere. ne audiant pauperem 
 sibi contradicentem: horum sunt animae quibus dicit 
 propheta: mulieres diuites, exsurgite.