XX. DE ASPERIS ET PETROSIS LOCIS AB HIERVSALEM VSQVE AD CIVITATEM SAMVHELIS LATE PATENTIBVS ET VSQVE AD CAESAREAM PALAESTINAE OCCASVM VERSVS SVCCEDENTIBVS. Ab Helia septemtrionem uersus usque ad Samuhelis ciuitatem, 
 quae Armathem nominatur, terra petrosa et aspera 
 per quaedam monstratur interualla, ualles quoque spinosae 
 usque ad Tamniticam regionem patentes. Aliter uero a supradicta 
 Helia et monte Sion qualitas regionum monstratur usque 
 ad Caesaream Palaestinae occasum uersus; nam quamuis aliqua 
 repperiantur angusta et breuia aspera loca interposita, praecipue 
 tamen latiores plani monstrantur campi interpositis oliuetis 
 laetiores.