HYDROGARATVM ET APOTHERMVM ET AMVLATVM. Isicia plena: accipies adipes fasiani recentes, praeduras et facis ex eo tessellas. cum pipere, liquamine, caroeno in isicio includes, ex hydrogaro coques et inferes.

Hydrogarata isicia sic facies: teres piper, ligusticum, pyrethrum minimum, suffundes liquamen; temperas aqua cisternina, dum inducet; exinanies in cacabo, et cum isicio ad vaporem ignis pones, et caleat, et sic sorbendum inferes.