reges amici atque socii et singuli in suo quisque regno Caesareas urbes
 condiderunt et cuncti simul aedem Iouis Olympii Athenis antiquitus incohatam
 perficere communi sumptu destinauerunt Genioque eius dedicare; ac saepe regnis
 relictis non Romae modo sed et prouincias peragranti cotidiana officia togati
 ac sine regio insigni more clientium praestiterunt.