et alio loco: Iamque adeo rutilum thoraca indutus ahenisHorrebat squamis.

Accius in Pelopidis ita scribit: Éius serpentis squámae squalido aúro et purpurá pertextae.

Quicquid igitur nimis inculcatum obsitumque aliqua re erat, ut ut, Macr.; et, ω.. incuteret visentibus facie nova horrorem, id squalere dicebatur.

Sic in corporibus incultis squamosisque alta congeries sordium squalor appellabatur. Cuius significationis multo assiduoque usu totum id verbum ita contaminatum est, ut iam squalor de re alia nulla quam de solis inquinamentis dici coeperit.