Ne Apolloniatae quidem paenitentiam egerunt, 
quod, cum bello Illyrico pressi Epidamnios ut sibi 
opem ferrent orassent atque illi flumen uicinum 
moenibus suis nomine Aeantem in adiutorium eorum 
sese mittere dixissent, 'accipimus quod datur'
responderunt eique primum in acie locum perinde ac 
duci adsignarunt: ex insperato enim superatis
hostibus successum suum omini acceptum referentes et 
tunc Aeanti ut deo immolauerunt et deinceps
omnibus proeliis duce uti instituerunt.