Iacet perempta. vulneri immoritur manus ferrumque secum nimius eiecit cruor. Oed. Fatidice te, te praesidem et veri deum compello: solum debui fatis patrem; bis parricida plusque quam timui nocens matrem peremi: scelere confecta est meo. 0 Phoebe mendax, fata superavi impia. Pavitante gressu sequere pallentes vias; suspensa plantis efferens vestigia caecam tremente dextera noctem rege. ingredere praeceps, lubricos ponens gradus,