cum
 autem exprimere imaginem consuetudinis atque vitae velimus Epaminondae, nihil videmur debere
 praetermittere, quod pertineat ad eam declarandam. quare
 dicemus primum de genere eius, deinde quibus disciplinis et a quibus sit eruditus, tum de
 moribus ingeniique facultatibus et si qua alia memoria digna erunt, postremo de rebus
 gestis, quae a plurimis animi anteponuntur virtutibus.