itaque nemini erat iis temporibus dubium, si affuisset, illam Athenienses
 calamitatem accepturos non fuisse. Rebus autem afflictis, cum patriam obsideri audisset, non quaesivit, ubi ipse tuto viveret,
 sed unde praesidio posset esse civibus suis. itaque contulit se ad Pharnabazum, satrapem
 Ioniae et Lydiae eundemque generum regis et propinquum: apud quem ut multum gratia valeret,
 multo labore multisque effecit periculis.