Thrasybulus, Lyci filius, Atheniensis. si per se virtus sine fortuna ponderanda est, dubito
 an hunc primum omnium ponam. illud sine dubio: neminem huic praefero fide, constantia,
 magnitudine animi, in patriam amore. nam quod multi
 voluerunt paucique potuerunt, ab uno tyranno patriam liberare, huic contigit ut a triginta
 oppressam tyrannis e servitute in libertatem vindicaret.