huius coniugii cupidus Callias quidam, non tam generosus quam pecuniosus,
 qui magnas pecunias ex metallis fecerat, egit cum Cimone ut eam sibi uxorem daret: id si
 impetrasset, se pro illo pecuniam soluturum. is cum talem
 condicionem aspernaretur, Elpinice negavit se passuram Miltiadis progeniem in vinclis
 publicis interire, quoniam prohibere posset, seque Calliae nupturam, si ea quae polliceretur
 praestitisset.