' at enim oppugnatum me fortasse
				venissent.' haec est illorum in causa perdita extrema non oratio neque
				defensio, sed coniectura et quasi divinatio. illi oppugnatum venturi
				erant? quem? Fabium. quo consilio? Vt occiderent. quam ob
				causam? quid ut proficerent? qui comperisti? et ut rem perspicuam quam paucissimis
				verbis agam, dubitari hoc potest, recuperatores, utri oppugnasse videantur, qui ad
				villam venerunt, an qui in villa manserunt?