ad arbitrum confugiunt, hic ab arbitro ad iudicem venire
				est ausus! qui cum de hac pecunia tabularum fide arbitrum sumpsit, iudicavit sibi
				pecuniam non deberi. 
				 iam duae partes causae sunt confectae; adnumerasse sese negat, expensum
				tulisse non dicit, cum tabulas non recitat. reliquum est ut stipulatum se
				esse dicat; praeterea enim quem ad modum certam pecuniam petere possit non reperio.
					 
				 stipulatus es—ubi, quo die, quo tempore, quo praesente?