Frugi homo est. SYRUS Reddam hercle; da modo. AESCHINUS Age pater. MICIO Post consulam. DEMEA Faciet. SYRUS O vir optime. AESCHINUS O mi pater festivissime. MICIO Quid istuc? quae res tam repente mores mutavit tuos? Quod prolubium? quae istaec subita est largitas? DEMEA Dicam tibi; Ut id ostenderem quod te isti facilem et festivum putant, Id non fieri ex vera vita, neque adeo ex aequo et bono: Sed ex assentando, indulgendo, et largiendo, Micio.