Insanis: aufer. DEMEA Age da veniam filio. MICIO Satin sanus es? ego Novus maritus anno demum quinto et sexagesimo Fiam, atque anum decrepitam ducam? Idne estis auctores mihi? AESCHINUS Fac: promisi ego illis. Mi Promisti autem? de te largitor, puer. DEMEA Age; quid si quid te maius oret? MICIO Quasi non hoc sit maximum. DEMEA Da veniam. AESCHINUS Ne gravere. DEMEA Fac promitte. MICIO Non omittis?