Salvus sum si haec vera sunt. Colloquar. PAMPHILUS Quis homo est? O Charine in tempore ipso mihi advenis. CHARINUS Bene factum. PAMPHILUS Audistine? CHARINUS Omnia: age me in tuis secundis respice. Tuus est nunc Chremes: facturum quae voles scio esse omnia. PAMPHILUS Memini: atque adeo longum est nos illum expectare dum exeat. Sequere hac me intus ad Glycerium nunc. Tu Dave abi domum: Propere arcesse hinc qui auferant eam. Quid stas? quid cessas? DAVUS Eo. Ne expectetis dum exeant huc: intus despondebitur; Intus transigetur si quid est quod restet. Ω Plaudite.