amicam ego habeo Stephanium hinc ex proxumo, tui frátris ancillam: eo condixi in symbolam ad cenam, ad eius consérvom Sangarinum Syrum. eademst amica ambobus, rivales sumus. Epignomvs Age abduce hasce intro. hunc tibi dedo diem. Stichvs Meam culpam habeto, nisi probe excruciavero. iam hercle ego per hortum ad amicam transibo meam mi hanc occupatum noctem; eadem symbolam dabo et iubebo ad Sangarinum cenam coqui. aut egomet ibo atque opsonabo opsonium.