Quid vis tibi dicam, pater? Antipho Vbi facillime spectatur mulier, quae ingenio est bono? Panegyris Quoi male faciundi est potestas, quae ne id faciat temperat. Antipho Hau male istuc. age tu altera, utra sit condicio pensior, virginemne an viduam habere? Soror Quanta méa sapientiast, ex malis multis malum quod minimumst, id minimest malum. Antipho Qui potest mulier vitare vitiis? Soror Vt cottidie pridie caveat ne faciat quod pigeat postridie.