Sume hinc quid lubet. collo rem solvam iam omnibus, quasi baiolus. Agorastocles Numquid recusas contra me? Lycvs Haud verbum quidem. Agorastocles Ite igitur intro, mulieres. sed patrue mi, tuam, ut dixisti, mihi desponde filiam. Hanno Haud aliter ausim. Antamonides Bene vale. Agorastocles Et tu bene vale. Antamonides Leno, arrabonem hoc pro mina mecum fero.— Lycvs Perii hercle. Agorastocles Immo haud multo post, si in ius veneris.