Satis iám sunt maceratae. Hanno Quid si eloquamur? Agorastocles Censeo hercle, patrue. Adelphasivm Misera timeo, quid hoc sít negoti, mea soror; ita stupida sine animo asto. Hanno Advortite animum, mulieres. primum, si id fieri possit, ne indigna indignis di darent, id ego evenire vellem; nunc quod boni mihi di danunt, vobis vostraeque matri, eas dís est aequom gratias nos agere sempiternas, quom nostram pietatem adprobant decorantque di immortales. vos meae estis ambae filiae et hic ést cognatus vester, huiusce fratris filius, Agorastocles.