Spondeo. Agorastocles Mi patrue, salve. nam nunc es plane meus. nunc demum ego cum illa fabulabor libere. nunc, patrue, si vis tuas videre filias, me sequere. Hanno Iamdudum equidem cupio, et te sequor. Agorastocles Quid si eámus illis obviam? Hanno At ne intervias praeterbitamus metuo. magne Iuppiter, restitue certas mi ex incertis nunc opes. Agorastocles † Ego quidem meos amores mecum confido fore. sed eccás video ipsas.