Et nos te. sed quid quaeritas? Halisca Vestigium hic requiro, qua aufugit quaedam aestio Lampadio Quid id? quid nam est? Halisca Alienum et maerorem familiarem. Lampadio Mala mers, era, haec et callida est. Phanostrata Ecastor ita videtur. Lampadio Imitatur nequam bestiam et damnificam. Phanostrata Quamnam, amabo? Lampadio Involvolum, quae in pampini folio intorta implicat se: itidem haec exorditur sibi intortam orationem. quid quaeritas? Halisca Cistellula hinc mi, adulescens, evolavit. Lampadio In caveam latam oportuit. Halisca Non edepol praeda magna. Lampadio Mirum quin grex venalium in cistella infuerit una.