volo intro mitti. atque etiam hoc praedico tibi, si Bona Fortuna veniat, ne intro miseris. Staphyla Pol ea ipsa credo ne intro mittatur cavet, nam ad aedis nostras numquam adit, quamquam prope est. Evclio Tace atque abi intro. Staphyla Taceo atque abeo.— Evclio Occlude sis fores ambobus pessulis. iam ego hic ero. discrucior animi, quía ab domo abeundum est mihi. nimis hercle invitus abeo. sed quid agam scio.