τοι-

αῦτα ἀπολογούμενοι, μετὰ ταῦτα πολλά μου ψηφίσματα

φέροντες ἐν ταῖς χερσὶν ἀνθ’ ἱκετηρίας ἀναγνώσονται,

καθ’ ἃ πρέσβεις ἐξῆλθον, καθ’ ἃ τριήρεις ἔπλευσαν,

 καθ’ ἃ τῶν μὲν οὐκ ἐξεπέσετε, τὰ δὲ ἐκομίσασθε.

ταῦτα, ὦ ἄνδρες Ἀθηναῖοι, καθ’ ἑκάστην ἡμέραν[, ταῦτα]

πεντάκις, ταῦτα, ἴως ἐπιτρέπουσιν οἶ πρέσβεις. καὶ ἔτι

πρὸς τούτοις θρῆνος δημοτῶν, δάκρυα φυλετῶν, οἰκείων,

συγγενῶν, τῶν ἐκ Μακεδονίας ὐπ’ ἐμοῦ λελυμένων,

 οἷς τὸ χρέος ἐποίησα δωρεάν. ἄξουσι καὶ τὴν θυγα-

τέρα πρὸς τὰς ἐκκλησίας δεησομένην ὑμῶν· σώσατε,

ἐλεήσατέ μου τὸν πατέρα.