ὥσπερ 
οὖν τὸν περὶ ἐκείνων τολμῶντά τι τοιοῦτον εἰπεῖν
μαίνεσθαι δεῖ νομίζειν, οὕτω καὶ τὸν περὶ τοῦδε,
ἄλλως θ’ ὅτ’ οὐδὲ τοῖς ἀπὸ τοῦ γάμου μόνον δικαίοις
ἐκωλύετ’ ἂν ἡ πρᾶξις, ἀλλὰ καὶ τοῖς ἀπὸ τοῦ γένους.
ἡ γὰρ αὐτὴ καὶ γυνὴ καὶ ἀνεψιά, Κωνσταντίου γὰρ 
ἦν ἀδελφή. ὁ δὲ οὐδετέρους δείσας θεούς, οὔθ’ οἷς
γάμων οὔθ' οἷς γενῶν μέλει, τοιαῦτα πρὸς ἰατρὸν
διελέγετο, ει' μὲν μεθ’ ἡμέραν, οὐκ αἰδούμενος τὸν
Ἥλιον, εἰ δὲ νυκτός, τὴν Νύκτα;